У ГУБАЗіК назвалі памер хабару, які далі першаму намесніку начальніка БЧ

Адзін з самых буйных хабараў 2024 года, які выявілі сілавікі, быў перададзены першаму намесніку начальніка БЧ Пятру Дулубу. Пра гэта расказаў дзяржгазеце «СБ. Беларусь сегодня» начальнік Галоўнага ўпраўлення па барацьбе з аргзлачыннасцю і карупцыяй МУС Андрэй Ананенка.

Петр Дулуб на конференции «Рынок железнодорожных услуг: логистика, экспедирование, тарифы». Минск, 13 марта 2018 года. Фото: пресс-служба БЖД — Пётр Дулуб на канферэнцыі «Рынак чыгуначных паслуг: лагістыка, экспедыяванне, тарыфы». Мінск, 13 сакавіка 2018 года. Фота: прэс-служба БЧ

Высокапастаўленаму чыноўніку БЧ перадалі 370 тысяч даляраў.

Нагадаем, пра затрыманне Пятра Дулуба ў пачатку чэрвеня 2024 года расказала «Супольнасць чыгуначнікаў Беларусі». Паводле інфармацыі ініцыятывы, гэта адбылося яшчэ 18 траўня. Як удакладнілі «Люстэрку» чыгуначнікі, інфармацыю пра магчымае затрыманне аднаго з кіраўнікоў яны атрымалі яшчэ 22 траўня, але больш за тыдзень лічылі, што гэта проста размовы.

13 чэрвеня МУС пацвердзіла гэтую інфармацыю. У ведамстве расказалі, што аператыўнікі выявілі «факты сістэмнага хабарніцтва пры лабіяванні інтарэсаў камерцыйных структур, якія ажыццяўляюць дзейнасць у сферы грузаперавозак». Агулам у схованках кватэры і загараднага дома фігуранта знайшлі і канфіскавалі звыш трох мільёнаў даляраў.

Максім Іскрын / «Зеркало»

Распечатано с портала ZERKALO.IO